Nongpoh, Jymmang 27: Ki 3 ngut ki suba nongkhaïi drok Heroin ki la shah kem noh ha ki Pulit ka Ri Bhoi, kaba dei hadien ka jingpynap shrip ki pulit hadien ba la ioh jingtip ba ki dang wan kiew na Guwahati ban leit sha Nongbah Shillong.
Kane ka jingjia ka la jia hynnin ka miet janmiet ha ka por 6 baje ei ei, ba ki pulit ki la ioh jingitp lypa bad dei ka jingpynap shrip ba ki la ioh ban bat ïa kine ki lain gut na Byrnihat bad ha Nongpoh.
Kumba la ioh lum jingtip, la ong ba kitei ki 3 ngut ki wan na ka Scooty bad ka mortor Bike bad da ka jingpyap shrip ha Byrniat la ioh ban bat ïa ar ngut ha Byrnihat bad uwei pat uba la lait phet na Byrnihat la ioh bat da ki Pulit ka Nongpoh ha Nongpoh.
Katei ka scooty ka don ïa u number ML05-W-4762 bad ka Motor Bike ka don ïa u Number ML05-R-5706 bad kitei kiba la ioh kem pat ki kynthup ïa u Vicky Shabong bad u Aman Diengdoh kiba dei na Shillong bad uba ñiah ïa ka Bike pat la tip kyrteng kum u Ribok Lyngdoh uba dei hi na Shillong.
Hadien ba la talasi da ki pulit katkum ki kyndon la lap kumba 7 synduk ka song jong u drok heroin bad kynthup 4 tylli ki mobile phone ryngkat katei ka Scooty bad ka Motor Bike.
Ki pulit ka Ri Bhoi ki la register case katkum ki kyndon jong ka NDPS Act bad ki dang pynlong ruh ïa ka jingtohkit ban lap ksai ruh halor kine ki kam khaïi drok beain kaba la dang jur bha ha kine ki sngi.
