Rakhe ka PCI bad ka MPC ïa ka World Pharmacist Day bad National Pharmacy Week ha Meghalaya

0

Nongpoh, Naiwieng 16 : Ka Pharmacy Council of India (PCI), New Delhi, ryngkat bad ka Meghalaya Pharmacy Council (MPC), ki la pynlong lang ïa ka jingrakhe ïaka World Pharmacist Day bad National Pharmacy Week 2026 kaba neh shitaiew lynter ha kylleng ka jylla Meghalaya.
Kane ka jingrakhe ka la poi sha kaba kut ha ka 11 tarik Naiwieng 2026, da ka jingïalang pynkut kaba la long ha Central Auditorium jong ka University of Science & Technology Meghalaya (USTM), Ri Bhoi. Ïa kane ka prokram la pynlong hapoh ka phangpdeng, “Swastha Bharat: Combating Antimicrobial Resistance”.
Ha kane ka sngi ka jingpynkut ïaka jingrakhe, u Dr. Montu Kumar M. Patel, President jong ka Pharmacy Council of India, u la shimbynta kum u kongsan haka jingdonlang u U Dr. R. Pohsnem, Deputy Director, Health Services (Admin) bad Director of Health Services (MI), Meghalaya, Shillong, u Prof. (Dr.) Damiki Laloo, Head of the Department, School of Pharmaceutical Sciences, GCU, U Prof. (Dr.) Pallab Kalita, Principal, School of Pharmaceutical Sciences, USTM, ki bor pynïaid ka USTM bad kiwei kiwei ki riew pawkhmat.
Ha ka sngi pynkut, la pynlong ïa ki jingïakop bapher bala shim bynta da ki samla pule, ryngkat ka ka jingthang ïa ka sharak kum ka dak jong ka jingsdang jong ka prokram.
Ha ka jingkren jong u, u Dr. Patel u la ban jur ïaka bynta ba kongsan jong ka tnad Pharmacy bad ki jingeh kaba khraw jong ka antimicrobial resistance (AMR) ha ka koit ka khiah jong ki paidbah, bad u la ban jur ïa ka bynta kaba kongsan jong ki Pharmacy Council, ki pharmacist, ki nonghikai, ki bor pynïaid bad ki khynnah pule ban kyntu ïa ka jingpyndonkam haaka rukom kaba dei ïa ki dawai.
Ha ka bynta jong ka nohphai sngi, la pynlong ïa ka jingïatai paidbah (Panel Discussion) halor ka phangpdeng jong ka prokram. Ki nongïashim bynta ha ka jingïatai ki kynthup ïa u Devis Stone Swer, President, Meghalaya Pharmacy Council bad Retired ADC, u Prof. (Dr.) L. K. Nath, Dean, School of Pharmaceutical Sciences, USTM, u Prof. (Dr.) Damiki Laloo, Head of the Department, School of Pharmaceutical Sciences, GCU bad ka kong Priska Kshiar, Drug Inspector, Ri Bhoi.

Leave A Reply

Your email address will not be published.