Sha ka TMC pynïasoh u kyrtong ka Congress na Dadenggre

0

Dadenggre, K’lyngkot 31: Ka Trinamool Congress ha ka sngi Ba-ar ka la pdiang sngewbha sha ka party ïa u Augustine D Marak u kyrtong uba ka Congress ka la pynbna kum u kyrtong ban ïakhun na ka tiket jong ka party na Dadenggre.
Kane ka jingwan pynïasnoh u Augustine sha ka TMC la pdiang sngewbha da u kyrtong ka party na Dadenggre u Rupa M Marak bad u Block President jong ka Dadenggre u Jengga Jilinga M Marak ryngkat ïa palat 200 ngut ki nongkyrshan une u kyrtong ka Congress.
Haba pynshai ïa kane ka rai jong u ban pynïasnoh sha ka TMC u Augustine D Marak u la ong ba dei hadien ba u la sngewthuh bad ka jingmih ka kaiphot ba lada u ïakhun kum u kyrtong ka Congress kan don ka jingïaphiah ka vote TMC bad Congress bad baroh 2 tylli ki party kin ym lah ban jop hynrei ka long kumba pynjop biang ïa u James.
U la ong ruh ba ka jingbym don satia ka jingshim khia u Vincent Pala ïa ka Garo Hills ka la pynkhohñioh shibun ïa ki nongtrei ka party ha Garo Hills, “Kumno da ki nongïalam ka TMC na Kolkata ki lah ban wan jngoh ïa ngi katba u Vincent Pala tang na Shillong um ju lah satia ban wan jngoh ïa ki nongtrei ka party ha Garo Hills” ong u Augustine.

Leave A Reply

Your email address will not be published.