Shillong, Naiwieng 12: Ka kynhun ïalehkai phutbol ki samla ba dang hapoh 19 snem jong ka Shillong Lajong FC ka la sdang ïa ka lynti ïaid jong ka ha ka Oil-DFA All India Level Under-19 Inter-Academy Invitational Football Tournament 2023 da ka namjop hadien ba pynliem ïa ka United Chirang Duar FC hynne ka Sngi U Blei.
Haba phai sha kane ka jingïahun kaba la long ha Duliajan, Assam, ka Shillong Lajong FC ka la pynbam haduh 5 kol ïa ka United Chirang Duar FC ban khur ïa ka namjop.
ïa kine ki kol na ka Shillong Lajong la thep da u Badondor Marbaniang, u Nihaar Manorama , u Samchaphrang Lato bad u Banlamkupar Rynjah.
Ha kaba kut jong ka jingïakhun, u Nihaar Manorama u ba la thep 2 kol na bynta ka kynhun u la ïoh ban khur ïa ka khusnam rangïalehkai ba kynsai jong ka jingïakhun lane ‘player of the match’.
Kane ka dei ka jingïakhun kaba nyngkong ïa ka Shillong Lajong na ka thup jong ka Group-A, kiba kynthup lai tylli ki kynhun, ka Shillong Lajong FC, ka SAIL (Bokaro) nangta ka United Chirang Duar FC (Kokrajhar), bad tang ka kynhun kaba wan kyrdan ba nyngkong kan ïohrung sha ka semi final.
Ka Shillong Lajong FC kan sa ïakhun pat lashai ka sngi (14 tarik Naiwieng, 2023) pyrshah ïa ka SAIL ha ka por 10 baje mynstep.
