Sdang ka Rympei da ka nam jop ha ka sngi plie pyrda ïa ka phutol sah kynmaw ïa u Bah (L) Justine Khongkip

0

Shillong, 08 : Ka Rympei SC ka la pynbam ïa ka United Brothers da 5-1 ha ka sngi sdang ïa ka lympung ialehkai phutbol jong ka 1st (L) Justin Khongkip Rangbah Shnong barim ba la bat kam ha u snem 1979 haduh u 1982 jong ka shnong Mawlai Kynton-massar ba la pynïaid da ka ïing ka sem jong ka kur Pathaw ryngkat bad ka dorbar shnong Mawlai Kyntonmassar ha madan kaba don hapoh shnong Kyntonmassar ha ka sngi Saitjaiñ ka 07 tarik u Kyllalyngkot, 2023.
Ïa kane ka lympung ïalehkai kaba don baroh 25 tylli ki kynhun kiban shim bynta la plie pyrda da u Bah Homer Kharkongor, President ka UDP Mawlai Circle kum u kongsan ha ka jingdon ryngkat u Bah Teibok Kharkongor, General secretary, u deputy rangbah shnong Bah Erasmus Thangkhiew, Rangbah dong Bah Angelius Biam, na ka longïing jong ka kur Pathaw bad kiwei kiwei.
Katba ïa ka jinglang shuwa ban sdang ïa ka jingïalehkai la pynïaid da samla Frankie Pathaw.
Haba kren kum u kongsan bah Homer u la ai mynsiem ïa ka longïing longsem jong ka kur Pathaw kaba la pynlong ia kane ka jingïalehkai ba kin iai bteng ban pynlong ïa kane ka jingïalehkai ban kynmaw burom ïa U Bah (L) Justine Khongkip bad kaban ïarap ruh ïa ki khun samla ba kin lait na kiba bun ki jingsniew kum u drok bad kiwei kiba la pynjot ia ki ha kine ki sngi ka juk mynta.
Haba kren maitphang na u Bah Angelius u la pynpaw ba u Bah Justine u dei uba ieit bha ïa ka sport khamtam ka phutbol bad uba ju kit ïa kiba bun ki nong Mawlai da ka trok ba u ju ñiah ban leit peitkai ïa ka phutbol ba ju ïalehkai ha Polo.
Ha kane ka sngi la ïoh ruh ka jingkren na Bah Teibok, Bah Erasmus bad kiwei.

Leave A Reply

Your email address will not be published.