Jowai, Lber 03: Ka Dorbar Shnong Pdengshakap kaba pynïaid ïaka jingïalehkai football ïaka ba la tip kum ka 10th Secondary School Football Knock-Out Tournament 2023-24 ha madan Pdengshakap, West Jaiñtia Hills.
Ki jingïalehkai hakane ka sngi saitjaiñ bala dep la ïoh ban sdang da ki ar tylli ki jingïalehkai Quarter Final, haka jingïalehkai ba nyngkong ka Rymbai Shkenshynriah SC kala jop ïaka Tariang FC da ka jingïashut Tie-breaker hadien bala kut ka jingïalehkai da 2-2.
Ïaka Tariang FC la ïoh ban thep da u Wanlam Nongkhlaw haka minit ba 3 bad 38 katba ïaka Rymbai Shkenshynriah SC pat la ïoh ban thep da u Younis Suchen haka minit kaba 15 bad u Atlan Kharmaw haka minit ba 31.
Haka jingïalehkai ba ar pat ka Thrangchynnam FC kala lah ban pynliem noh ïaka Nohron SC da 2-0, daki kol bala thep da u Phang Sumer haka minit ba 11 bad u Timy Ryngkhlem haka minit ba 69.
Kumta ka Rymbai Shkenshynriah SC bad ka Thrangchynnam FC kila buh jaka ïalade sha ka Semi Final jong kane ka lympung.
Naka liang ki bor pynïaid jong ka Tournament kin bteng biang sa kawei ka jingïalehkai Quarter final haka 9 tarik mynta u bnai hapdeng ka Sengkhihlang FC pyrshah iïka YFC Trangblang haka por 2 baje nohphai sngi.
