Jowai, Nailur 17: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long ha madan Kiang Nangbah Stadium, Dongmihsngi Jowai.
Haba phai sha ka jingïakhun ha kane ka sngi saitjaiñ ka Mooknor Thadmuthlong kala lah ban pynliem da 5-3 kol ïa ka Lumpariat da ka jingïashut Tie Breaker. Lyngba kane ka jingjop ka Mooknor Thadmuthlong kala ïoh ban rung sha ka Semi Final jong kane ka Lympung.
