Jowai, Nailur 17: Ka jingïalehkai phutbol bala tip kum ka (L) Kesilroy Pala Invitation Football Tournament 2023 bala pynïaid da ka West Jaiñtia District Sports Association (WJDSA) kaba la long ha kane kla sngi saitjaiñ ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Ialong FC kala lah ban pynliem da 2-1 kol ïa ka Nangbah Iawmusiang FC, ïa ki kol na ka Ialong FC la thep da u Roikhih Ningtdu haka minit ba 43 bad u Daruhi Pale haka minit ba 90. Katba ïa ka shikol na ka Nangbah Iawmusiang FC la thep da u Tiplang Rasmut haka minit ba 10.
La pyntip ba ka jingïakhun Quarter Final jong kane ka lympung kan sdang naduh ka 20 tarik u Nailur hapdeng ka 7 Wasa United pyrshah ïa ka Dieñshynrum CSA United.
Ka jingïakhuh ba ar haka 21 tarik hapdeng ka Rymbai Shkenshynriah FC pyrshah ïa ka Mihmyntdu FC.
Ka jingïakhun ba lai haka 22 tarik kan long hadpeng ka Mukhla FC pyrshah ïa ka Ialong FC.
katba ha ka jingïakhun kaba saw ha ka 23 tarik kan long hapdeng ka Mynsngat FC pyrshah ïa ka Salaroh FC baroh ki jingïakhun Quarter Final kin long haka por 2 baje nohphai sngi.
