Jowai, Lber 12 : Ka Dorbar Shnong Pdengshakap kaba pynïaid ïaka jingïalehkai football jong ka ïaka ba la tip kum ka 9th Secondary School Football Knock- Out Tournament 2022-23, ha kane ka sngi Saitjaiñ bala dep kala ïoh ban pynïalehkai ïaka Semi-Final ba nyngkong ha pdeng ka Tariang FC pyrshah ïaka Lakashiang FC.
Ha pdeng jong ka jingïalehkai ka Lakashiang FC kala ïoh nyngkong ban pynkhih ïaka jar haka minit kaba 21 lyngba u Shem K. Myndai bad la pynbud ïaka kol ba ar pat da u Living Nongrang haka minit kaba 22, hynrei ka Tariang FC pat kala lah ban pynphai ïa kine ki arkol lyngba jong u Shano Tariang uba la kyrwit arkol haka minit kaba 40 bad 73.
Haba ki nong pynïaid ki la rah sha ka jingïashut Tie-Breker ka Tariang FC kala lah ban pynliem noh ïaka Lakashiang FC da 5-4. Lyngba kane ka jingjop jong ka Tariang FC kala ïoh ban rung syndon sha ka Final jong kane ka lympung.
Naka liang jong ka Tournament Committee kala pynbna ba ka jingïalehkai Semi-Final ba ar kan long haka 18 tarik mynta u bnai hapdeng ka Umsalait SC pyrshah ïaka One Soul Utd (Pdengkarong) haka por 2 baje nohphai sngi. Sa shisien la khot bad wer lang ïa baroh ki pait ïeit football jong ka thaiñ ban wan sakhi lang ïakane ka jingïalehkai Semi-Final ba ar.
