Jowai, Risaw 28: Ka Musniang SC bad ka Khliehriat West YWSC ki la pynthikna ïa la ka jong ka jaka ha ka semi final jong ka lympung phutbol First Division League 2026 kaba la tip kum ka Thomas Nongtdu Memorial Trophy, kaba la pynïaid daka East Jaiñtia Hills District Football Association (EJHDFA), hadien ba ki la jop ïa ka Quarter Final hynne ka sngi balang, ka 28 tarik Risaw, 2026 kaba la pynlong ha madan Artificial Diengshynrum, Khliehriat.
Haba phai sha ka jingïakhun Quarter Final kaba lai ka kynhun ïalehkai jong ka Musniang SC kala pynliem noh da tang 1-0 kol ïaka Ladrymbai Dongwah SWSC.
Ïa katei ka shikol na ka Musniang SC la thep da u Jespar Lamare haka minit ba 56, hynrei ïa ka khusnam Player of the Match la ïoh khur da u Dawan Malang.
Katba haka jingïakhun Quarter Final-4 ka Khliehriat West YWSC kala jop da 1-0 kol ïaka Deinshalalu SC.
ka Khliehriat West YWSC ka la thep ïa kane ka namtam lyngba u Bijoy Suting haka minit ba 38, uba la pynkut ïa ka jingïalehkai ryngkat ka khusnam Player of the Match.
Da ka jingpyndep ïa baroh saw tylli ki jingïakhun Quarter final, ka EJHDFA First Division mynta ka la jam sha ka semi final da kaba sah satang saw tylli ki kynhun.
La pyntip ba ka semi final ba nyngkong kan long ha ka 31 tarik Risaw, 2026 kan long hapdeng ka Khliehriat East YWSC pyrshah ïaka R.Synrang Shahkhain SC haka por 2 baje nohphai sngi.
Katba haka jingïakhun Semi Final kaba ar kan long ha ka 02 tarik Naiwieng, 2026 hapdeng ka Musniang SC pyrshah ïaka Khliehriat West YWSC haka por 2 baje nohphai sngi.
