Nongpoh, Rymphang 19: Ha kawei ka jingjia aksiden ha Ri-Bhoi, kawei ka trok 12 taiar kaba kit clinker kaba dang hiar sha ki thaiñ Guwahati kala leit ban jam na shilliang sha shilliang surok bad rat syndon 2 tylli ki trok kit LPG ba don ïa u number AS 01 DD 7762 bad AS 01 DD 7763 ki ba dang kiew na Guwahati sha Shillong.
Katei ka jingjia aksiden ka la jia mynta ka janmiet haka por 4:30 eiei janmiet ha surok bah NH-6 haki bynta kiba khongdong jong ka shnong Shangbangla haduh ba u nongñiah katei ka trok 12 taiar u la mynsaw jur hadien ba katei ka trok kala kylla syndon ha katei ka jaka bad la pynkit noh mar mar sha Civil Hospital Nongpoh katba ki nongñiah kitei ki trok LPG kila lait naka jingmynsaw. Naka liang ki pulit ka Nongpoh Traffic kila leit mar mar sha katei ka jaka ban pynlong ka jingtohkit halor katei ka jingjia.
