Jowai, Rymphang 19: u MDC ka Barato ma Aiborlang Shadap haka 14 tarik ula leit ban ujor ha u Deputy Commissioner ka West Jaiñtia Hills, halor ka jinglum khajna ka tnad Forest Department jong ka Assam na u synsar haka jaka ba kyrteng Khlieh Sanaroo kaba don ha khmat ka Foreat Beat Hous jong ka Assam bad kaba hap hapoh u pud u sam ka shnong Muktoh.
La ïathuh ba kane ka jinglum khajna (Tax) ka Assam na ki paid nongrep kiba dei ki pnar wat lada ki leit phut ban pyndonkam ha ki ïing ki sem la jong, hynrei ki shah lum khajna pynban ha katei ka tnad khlaw kaba la buh jingeh ïa ki kum ki nongshong shnong.
Kane ka jinglum khajna beaiñ ka Assam kala ktah bha ïa kitei ki nongrep bad ïa ki nongshong shnong kiba don ha katei ka thaiñ Mukroh West Jaiñtia Hills namar ka shnong ka dang don ha lyndet jong katei ka Forest Beat House jong ka Assam.
Ha katei ka jingïakynduh na ka liang u DC ka WJHD ula kular ban shim khia ïa kane kam da kaba pyntip ba ym ai lad satia ban khrong khajna na katei ka jaka katba ka jingpynbeit pud ka dang ïaid shakhmat. Ula kular ban phah da ki Magistrate ban thohkit ïa kane ka kam bad ban pynduh shisyndon ïa katei ka jinglum khajna.
Lada ka tnad Forest jong ka Assam ka dang bteng ban lum khajna kumne ka long pyrshah ïa ka mon ki pairbah. Ym lah ban tip kaei ka ban jia shakhmat namar ba katei la jaka ka dang hap hapoh ka shnong Muktoh jong ka jylla Meghalaya.
