Rai set patok ka ïingkashari ïa u Salwi Shadap halor ka kam lehbeijot ïa ka khynnah

Jowai, Nailar 24: U Superintendent of Police ka West Jaiñtia Hills District ula pyntip ba ma ïing kashari ba donburom jong ka P. Syngkon, Special Judge (POCSO) WJHD, Jowai ha kane ka 18.08.2026 kala rai pynrep ïa u Salwi Shadap naka shnong Ionglwit, West Jaiñtia Hills halor ka kam lehbeijot jong u ïa kawei ka khynnah rit naduh u snem 2022.
La ïathuh haka 15.01.2022, haka por 12:30 baje mynsiet utei u runar ula leit rung haka ïing jong katei ka khynnah, katba ka kmie jong ka ka dang don shabar ban leit sha ka jingïalang (meeting), utei u runar ula leh mylleh da kaba pan umdih katba katei ka khynnah rit ka dang rung sha kamra sum ula khang ïa ka jingkhang bad leh beijot ïa ka bad kam lah shuh ban ïakhun pyrshah ïa u.
Kane ka jingjia kala paw pyrthei haka 26.01.2022, hadien baka kmie jong ka kala ïoh lum ïaka jaiñ ba bit snam jong ka. Kumta la ujor bad la register kes ïa kane ka jingjia ha Nartiang Police Station katkum ka Case No. 6(1)2022 U/S 3(a)/4 jong ka POCSO Act bad ïa ka jingtohkit bniah la leh da i WPSI kong I Dkhar.
Hadien ba ka ïing kashari kala bishar bniah ïa kane kam runar la lap ïa ka jingdonkti lehbeijot jong utei Salwi Shadap bad la rai pynrem da kaba set patok ïa u haduh 20 snem ha ryngkat ka kuna kaba Rs. 10,000/- (Shipher hajar) tyngka, la pynhap ïa u katkum ka kyndon Section 3(a) bad ban pynshitom hapoh ka Section 4(2) jong ka POCSO Act, 2019.