Pyrshah ka AAGNGO Forum ba kyrshan ka GSU ïa ki RHAC ban rung lang hapoh ka 6th Scheduled

Shillong, K’ Lyngkot 04: Ka All Assam Garo NGOs Forum ha ka sngi Saitjaiñ ka la pynbna ba ka la khang pyrshah ïa ka Garo Students’ Union (Assam State Zone) kaba don ha Assam halor ka jingkynnoh ba kyrshan ïa ka kyrdan Sixth Schedule sha ka Rabha Hasong Autonomous Council (RHAC).
Ha ka kyrwoh ka Forum ka la ong, “Ban jubab ïa kane ka jingleh jong ka jingshet kylla, baroh ki kynhun jong ka jaitbynriew Garo, ha ryngkatlang bad baroh ki sengbhalang Garo jong ka Assam, da kawei ka rai ki pynjari da ka jingpyrkhing bad ban khang ïa ka GSU (ASZ) kaba ha Assam.”
“Kane ka jingleh armaloi ka la ktah ïa ka daw jong ka hok jong ngi bad ka jingshim rai ban ïoh ki jingbishar hok na ka bynta ki paidbah ki Garo. Ka jingshimrai lang ban khang ïa ka GSU (ASZ) ka dei ka jingpyni ïa ka jingïalong kawei bad ka jingrai kaba tyngeh jong ngi,” ka la bynrap.
Kane ka Forum, kaba kynthup ïa ka Garo Students Federation of Assam (GSFA), Garo Autonomous Council Demand Committee (GACDC), Garo National Council (GNC) Assam State Zone bad kiwei ka la ong ba ki kynhun ka jaitbynriew Garo kiba shong basah bad kiba hab ha Rabha Hasong Autonomous Council (RHAC) ki la ïaibteng ban ïakhun halor ka jingbuh ïa ka district Garo Autonomous Council ha Assam.
Haba ong ba ki paid Garo ki la ïaibteng ban sahkut sah ha kane ka jingshah shet shukor shah shet kylla, ka la kynnoh ba ka Garo Students’ Union (Assam State Zone), ka don ka jingthmu kaba long ma da kaba shim ïa kane ka jingleh, bad ka don ruh ka jingpynïasoh ïalade bad ka Rabha Hasong Sixth Schedule Demand Committee (RHSSDC).
“Da kaba mynjur lang ïa ka jingkwah ban ai ïa ka kyrdan Sixth Schedule kaba thmu ruh halor jong ki kynhun ki paid Garo, kane ka GSU (ASZ) da ka jingthmu ka la ïuhroit bad shetkylla ïa ka jingthmu ki jingangnud bad kabha ka miat ki nongrim jong ki paid Garo ka Assam. Ka Garo Students’ Union (ASZ) ka la leh ïa ki kam ba long pyrshah ïa ka jinglong kawei bad ka jingangnud kaba don jingmut jong ki paid Garo. Da kaba pynïasohlang bad ïatreilang ïalade bad ka RHSSDC, ka GSU (ASZ) ka la shetkylla ïa ka bha ka miat jong ki paid jong ngi. Katei ka jingïamynjur lang ban ai kyrdan ïa ka RHAC, kaba long pyrshah na ka bynta ki paid Garo, kadei ka jingleh kaba shetkylla,” ka la ong da kaba bynrap, “Ngi kwah ban kren da kaba shai ba ka jingpyrshah jong ngi kam dei pyrshah ïa ka Garo Students’ Union, Central Executive Committee (CEC), GSU Nagaland ne GSU BTC (Assam).”
Ka Forum, ka la ong baroh ka kynhun jaitbynriew Garo kiba don ha Assam ki la ïeng pyrshah ïa kane ka jingleh ka GSU (ASZ) ban kyrshan ai kyrdan Sixth Schedule ïa ka RHAC khlem da ïasyllok.
Ha kawei pat ka liang ka Forum ka la kyrpad ïa baroh ki riewshimet ki paid Garo bad ki seng ban ïasnohkti lang halor kane ka jingïaleh ban pynthikna ba ka sur ba la kyrpad bad ki jingdawa kin urlong.