Ioh kem ki pulit 4 ngut ki khar Bangla na Anjalee Petrol Pump ki thmu leit sha Jammu bad Kashmir

Shillong, Kyllalyngkot 04: Mynta u bnai ki pulit ka nongbah Shillong kila ïoh ban kem saw ngut ki khar Bangladesh na Anjalee Petrol Pump kiba la tip kyrteng kum u Akhtar Sheikh, ka Rupa Begum, Raju Ali 60 snem bad u Taijul Islam 27 snem.
Kine ki khar Bangladesh kila wan da kawei ka Tourist Taxi kaba don ïa u number ML-05X-6502 kaba la ñiah da u T N Sohshang, kine ki briew kila rung beaiñ sha India lyngba ka shnong Nongjri ka East Khasi Hills District.
Ha ka jingtohkit kine ki khar Bangladesh kila ïathuh ba kila rung beaiñ sha Ri India da ka jingthmu ban leit sha ka Union Territory Jammu bad Kashmir, ka jingïoh kem ïa ki khar Bangladesh kiba mut leit sha kiwei ki jylla ka Ri India kala jia bun sien ha kane ka jylla Meghalaya.