Pynskhem ka HITO ïaka Thadmuthlong Area jong ka samoi 2022-2024

Jowai Risaw 09 : Ka Hynñiewtrep Integrated Territorial Organisation (HITO) West Jaiñtia Hills hapoh ka jingïalam u Pynbiang Rymbai kum President u Crisenne Ksoo, u General Secretary ka sengkmie u bah Wanbun N Dkhar lem bad kiwei de ki dkhot ka seng kila leit ban pynskhem ïa ka shnat treikam kaba la tip kum ka HITO Thadmuthlong Area naka bynta ka samoi treikam 2022-2024.
Kane ka long shibynta ban pynïar ïaki shnat treikam ka seng hapoh West Jaiñtia Hills ha kane ka sngi la ïoh jingkren na baroh ki nongkitkam ka District bad ïaka jingïalang la pynïaid da u Cresene Ksoo bad ïaka jingpynskhem la leh da u General Secretary ka sengkmie, kine ki nongkitkam ka Thadmuthlong Area kiba long kumne President u Damewanpyntngen Suchiang, Vice President- u Deimonjurlangki Lyngdoh, General Secretary u Lasmi Suchiang, lem bad ki Executive Member 50 ngut.