Pynshai u Waheh Shnong halor ka khubor ujor ka longkmie ba duh khaw rashon bad shah byrngem kyntait shnong

Jowai, Jymmang 29: Na ka liang u Waheh Shnong ka Lumtrep ma Ebormi Pale u kwah ban pynshai paidbah halor ka khubor kaba la pynmih ha ka 26/05/2022 ha kaba ïadei bad ka jingujor shah pynduh khaw rashon bad kynnoh byrngem kyntait shnong u Waheh Shnong ka Lumtrep ïaka kong Linda Nongkrem.
Hadien ba la ïohi ïa katei ka khubor ha u Mawphor na ka liang jong u Secretary jong ka shnong U Richmond Kya, ula khot kyrkieh ïa ka Executive Committee jong ka Dorbar Shnong ha ka 27/05/2022 bad ha ka EC ki la ïakren sani bha ïoh lehse don ka jingtrei kam bakla u Waheh Shnong namar ha ka Committee ba la dep ngim juh shem ïakren kumba la kynnoh ka Linda Nongkrem.
Hadien ka jingpynshai jong u Waheh Shnong ba ym shim la leh kumta bad u la ong ruh ba u tip shai ïa ki aiñ kumno ban trei kum u Waheh Shnong namar ha ka aiñ jong ka District Council kaba la pynkup bor ïaki Waheh Shnong kaba la kdew shai la kumno kumno ruh u Waheh Shnong um don bor ban beh shnong ne kyntait shnong ïa ki nong shong shnong.
Ha ka jingïatai ha ka EC ka la rai ban khot ïa ki Sub-committee bapher bapher jong ka Dorbar Shnong haka 28/05/2022 ban ïatai kumno ban leh ha ba ïadei bad ka khubor ba mih, hadien ka jingïaphylliew jingmut ki la ïa rai ban pynshai ha ki khubor halor ka khubor ba la pynmih da ka longkmie Linda Nongkrem.
Haba ïadei bad u khaw rashon ha u 2021 ngi la khot ïa ka dorbar na ka bynta ban pynbeit haba ïa dei bad u khaw rashon hadien ka jingpynbeit jong ki ka la mih ar tylli ki rai (i) lada don ki nongshong shnong jong ngi kiba lah ban long dealer ban die khaw ha ka dor 3 tyngka shi kilo 5 kg shi khlieh briew, ïa u ba wan nongkong ban pyntip sha ka Vigilance yn pynshkem ïa u/ka kum ka dealer bad la ai por ïaki shi sngi lada ym don ba lah ban leh kumta ngi la rai ban ïaid da ka point no. (ii) da ka ba pynïaleh elekshon ïa ki Candidate ban die khaw rashon bad ban ai lad ïaki ban die ha ka dor 4 tyngka shi kilo.
Ha u snem 2021 ka Vigilance ka la hap ban shim da ka rai ba (ii), bad la ïa don haduh 4 ngut ki applicant nongïaleh bad la jop da ka linda Nongkrem, baroh shi snem ym don kano kano ka jingujor. Ha u snem 2022, la hap ban shim biang da ka rai ba (ii), te kumta la khot application biang, la don ar ngut ki nongïaleh ka Linda Nongkrem bad u pyniaiddame Pale.
Na pdeng kine ki ar ngut la ïoh ban long dealer da u Pynïaiddame Pale. Kumta ha ka por ba die da ka Linda nongkrem ym shim la don ka jingujor hynrei ynda la ïoh ban die khaw rashon da u wei pat la kynnoh kane ka juh ka long kmie ba juh die khaw rashon ha u snem 2021. Balei ïa ka ka long bad ïa ki wei pat ym long?.
a ka jingïadei ka jingkynnoh ba byrngem ban kyntait shnong, ym shim la don mano mano ruh ba byrngem ban kyntait shnong ïa ine i kong Linda Nongkrem bad ka jingkynnoh jong ka kong ka long tang ban pynjah burom ïa ka shnong bad kumjuh ïa u Waheh Shnong bad kaba phylla shuh ka long balei la byrngen kyntait shnong ïa ka Linda nongkrem haba u lok jong ka u dei u Asst. Waheh Shnong bad ha ka juh ka por u long u Chairman shnong.
Haka ba ïadei bad ka jingkynnoh na ka bynta ka shi spah sngi, la ong ba na ka liang ka shnong ka la ïa pynbeit ban ïa noh synñiang sha ka shnong naka bynta ban thied jaka shnong namar ki nongshong shnong kiba bun hi ki long kiba duk kumta la pynbeit ban ai khyndiat shibnai haduh ban da dap ban thied jaka shnong. Kane kam don jingktah ïa ka shi spah sngi bad ruh ngi khlem pynbor ïaki nong shong shnong ban noh synñiang jubor ka shong tang ha ka jingsngew jong uwei lane kawei pa kawei ka nongshong shnong.
Baroh kine ki jingkynthoh jong ka Linda nongkrem ki long kiba bakla suda bad na ka liang ka shnong ka ai por ïa ka kong Linda Nongkrem ban wan pan map haduh ka 31/05/2022 lada kam wan kin leit sha ki bor jong ka aiñ namar ka long ka jing pynjah burom ïa ka shnong kumjuh ïa u Waheh Shnong.
Katkum ka jingpynpeit na ka liang u Waheh Shnong ula ong ïa kane ka khubor bala mih ïoh lehse kane ka kong Linda Nongkrem ka kwah ban kyntait shnong ïa ki nongshong ym dei ka shnong ba kwah ban kyntait ïa ka, lymda ymdei kumta ïoh lehse ka kong Linda nongkrem ka don jingduna ha ka bor pyrkhat la ong katei ka kyrwoh ba la phah da u Waheh Shnong ma Ebormi Pale.