Jowai, Jymmang 29: U ma Moonliaght Pariat uba la dep ban ïakhun MLA na ka Jowai Constituency la 3 sien bad ha kane ka kynti kaba saw (4) ula pyntikna ban ïakhun biang ïa kane ka Election 2023 na ka seng United Democratic Party (UDP).
Ïa kane ula pynbna hadien ba u la dep phah ïa ka shithi sha u General Secretary ka Circle jong ka seng UDP bad u kyrmen skhem ba ka Party kan pdiang pura ïa kane ka shithi jong u da ka jingmynjur lang jong u paid nongkyrshah jong ka UDP.
Ula pynsngew ïa ka jingsdang jong ka jingïaid lynti jong u ha kine ki 6 bnai, ban leit ïalap canvas sha manla ki shnong kiba don hapoh ka Jowai Constituency, ban ïoh jingtip na ki nongkyrshah ba ki dang don jingmut ne em ïa u, hynrei ula lap ba ka jubab jong ki ka long ba kane ka kynti kala dei ka pali jong u ma Pariat, kiba la pynsngew ha u halor ki jingshah eh beiñ bad shah eh khunswet jong ka Constituency ha baroh ki liang.
Shuh shuh ula ong kum ka party kym shem la heh tang ha ka ktien hynrei kala leh da ki kam kiba khraw kiba ym kwah satia ban pynpaw pyrthei hynrei ki la ïaid shaid shaid.
Ula ong ba ka ‘UDP jong ka Jowai Circle’ ka long kum kato ka samla kynthei kaba itynnad kaba la tah bha ïa ka durkhmat bad ki jingiwbih haduh ba la khring ïa kiwei dei ban ïakhun kumno ban ïoh ïa ka. Hynrei ka party ka don ïa ka Election Committee ban rai ïano yn ai Ticket da kaba kyntu ïa ki paidbah ban ym dei ban shah pynbeit ha kiwei kiba kam ïaleh kum ki kyrtong ka Party.
