Nongpoh, K’Lyngkot 14: Ka ophis jong u District Youth Officer, Nehru Yuva Kendra Sangathan, Ri-Bhoi District haka 13 tarik Kyllalyngkot ka la ïoh ban pynlong ïaka jingïakop pyni ñia kaba la tip ka “District Level Declamation Contest” halor ka phang “Viksit Sankalp Bharat @2047″ ba la pynlong ha Umsning Youth Center Hall.
Ïa katei ka jingïakop ka ophis NYKS, Ri-Bhoi District la ïa trei ryngkat lang bad ka Seng Samla Umling bad ha katei ka jingïakop kumba 35 ngut ki khun samla naki shnong bapher bapher kila wan ban ïashimbynta ban pyni ïaka sap ka phong bad ki ñia halor ka phang bala buh.
Naka liang ka ophis jong ka NYKS ki la ai ruh ïaka khusnam sha ki nongjop ha katei ka jingïakop ha kaba u samla Balajied Wahlang, Samla Wanborbiang Lyngdoh bad Sama Zarine Pathaw kila long ki nongjop haka District Level bad kin ïoh ïaka lad ban leit shim bynta pat shaka State Level ka ban sa long ha Nongbah Shillong ha ki sngi ki ban sa wan bad ki samla ki ban jop haka State Level kin ïoh ïaka Khusnam kaba 1 lakh tyngka ba wan nyngkong, ba wan ba ar 50 hajar bad ba wan balai kin ïoh 25 hajar tyngka bad kine ki ban jop naka State Level kin hap ban leit ïa shim bynta sha ka National Level ka ban sa long ha Nongbah Delhi.
