Pynliem ka Ïewrynghep SS ïa ka Umthli SS, rung semi-final ha ka Inter School Knock Out Tournament 2023

Shillong, Ïaïong 13 : Ka kynhun ïalehkai phutbol jong ka Ïewrynghep Secondary School kaba dei na Mawnianglah, Upper Shillong ka la ïoh ban khur ïa ka jingjop bad rung sha ka semifinal ha ka lympung ïalehkai 2nd San Shnong Youth Welfare Organisation, Inter School Knock Out Tournament 2023.
Ka kynhun jong ki thei ïalehkai phutbol jong ka Ïewrynghep SS, ki la buh jaka ïalade sha ka semfinal hadien ba ki la lah ban pynliem ïa ki thei ïalehkai ka Umthli Secondary School kaba dei na Laitlyngkot da 4-3 kol lyngba ka tie-breaker hadien ba ki la ïakhaid ha ki minit ïalehkai, ha ka sngi Palei ha madan ïalehkai shnong Sadew Marbaniang.
Ka Ïewrynghep Secondary School, kan pynkhreh ïalade ban ïakhun ïa ka semfinal kaban long ha ka 20 tarik mynta hi u bnai.