Jowai, Naiwieng 06: U Myntri Rangbah jong ka sorkar jylla u Conrad K. Sangma ha kane ka 5 tarik u Naiwieng, 2026 ula plie ïaka jaka siat suloi kaba 10 meters Shooting Range Complex kaba don ha Riatturiem, Khliehtyrshi West Jaiñtia Hills District kaba la dep shna haka jinglut kaba 1.25 klur tyngka.
Ha kane ka sngi la donlang u Symbud Myntri Rangbah u ma Sniawbhalang Dhar, u myntri ka koit ka khiah u ma Wailadmiki Shylla, u Deputy Commissioner ka WJHD u Abhinav Kumar Singh, IAS, ki nongkitkam ka West Jaiñtia Shooting Association nalor ki ophisar sorkar bad kiwei de.
Na ka liang u Myntri rangbah haba kren sha ki lad pathai khubor uba la ong ka jingplie ïa kane ka jaka siat suloi ha West Jaiñtia Hills ka long shi bynta ban pynkhreh ïa ka National Games ka ban long ha u snem 2027 hapoh ka jylla, shuh shuh u kitbok ba ki samla ba kin ïoh la lad ban pyntbit ïalade ha kane ka jaka.
Na ka liang u Myntri Rangbah ha kane ka sngi plie ula shim bynta lang ban pyrshang siat ïaki suloi bad ula ïoh lad ruh ban ïa phylliew jingmut lang bad ki nongïasiat suloi halor kumno ban pyndonkam ïa kitei ki tiar siat.
