Shillong, Nailur 22: Ka Meghalaya Cricket Association ka la pynbna ïa ka thup kynhun ki player ban mihkhmat ïa ka jylla ha ka kyrdan ïalehkai U-19 men’s Vinoo Mankad Trophy 2024-25, ka lympung ïalehkai One Day kaba haduh 50-over.
Na ka liang jong ka MCA’s junior men’s selection committee ka la jied ruh saw ngut ki player lada jia ba mynsaw napdeng kiba ladep jied (standby). Ka kynhun Meghalaya ka dang don mynta hapdeng ka jingpynkhreh ba pynlong ha Jagiroad, Assam bad kan sa leit ban ïashimbynta ha ki jingïalehkai jong ka Vinoo Mankad Trophy, ka ban sa pynlong ha Cuttack, ha ka 1 tarik u Risaw.
Mynta u snem, ka Meghalaya ka la shah pynïakaplang ha kajuh ka thup ryngkat bad ka Baroda, Bengal, Assam, Karnataka bad ka Maharashtra.
Bun na ki khynnah samla U-19 kiba mihkhmat ïa ka Meghalaya ha ka samoi ba ladep ki la shah pynnneh biang na bynta u snem 2024-25, katba don katto katne ki player ba pawkhmat ha ka U-16, kum u Apandanka R Marak bad u Gaurav Jyoti Thakuria, ki la shah kynthup ha kane ka kynhun kaba mynta.
Related Posts
Ka thup kyrteng ki rangïalehkai ka Meghalaya U-19 ki long: Apandanka R Marak, Aashish Kumar Lohar, Angkit Tamang, Dipayan Nandi, Dipankar Baruah, Gaurav Jyoti Thakuria, Heiyomiki Ryngkhlem, Jarrett M Wanniang, Kshitij Singhania, Manthan Dey, Pushkar Raj Singh, Rudra Singh Rathore, Shubham Rasaily, Salchang Sangma, Shavian Blah
Standby: Grish Raj Ray, Chengsrang S Marak, Manthan Gupta, Gaurav Narleng
Support staff: Sandipan Deb Nath (Head Coach), Shiva R Sangma (Assistant Coach), Hamboy Langbang (Physio), Gregory G Syiemlieh (Trainer), Prewindson D Sangma (Manager)
Ka Meghalaya kan ïakhun san tylli ki jingïakhun ha ka Group Stage, bad baroh ki jingïalehkai kin long ha u bnai Risaw, ha kaba ka kynhun Meghalaya kan aireng nyngkong ïa ka Baroda ha ka 4 tarik, ïa ka Bengal 6 tarik, ïa ka Assam 8 tarik, ïa ka Karnataka 10 tarik bad khadduh ïa ka Maharashtra ha ka 12 tarik.