Jowai, Lber 13: Ka Kur Sookpoh Khadar Wyrnai Jowai, kum shi bynta na ka ‘Social Activities’ jong ka Kur, ha ka 11/03/2025 kala pyllait paidbah ïaki Tiket Lucky Draw ha Yungwalieh ka Kur kaba don ha Chiliangraij, Jowai.
Ïa kitei ki Ticket la wan ban pyllait paidbah da u ma Taiwan War uba dei u Divisional Soil Conservation Officer Territorial Division Jowai, haka jingdonlang u ma Lamphrang Pohktai Divisional Soil Conservation Officer Plantation Crops Division Jowai, ki nongïalam jong ka, ki waheh wasian bad ki khun jong ka Kur.
U ma Puramon Kynjing kum u President ka Kur Sookpoh Khadar Wyrnai haba ai jingkren ula ong ka jingpynlong ïa kane ka Fete kam dei tang ban pynmih pisa na ka bynta ki jingdonkam ka Kur, hynrei ka long shi bynta ban wanrah ïa ka jingïaieit para Kur bad ki kha ki man namar ka Kur Sookpoh kan nym kiew khlem da don ki Kur kiba ai jingkyrshan bad kan nym heh ne san khlem da don ki nongwan shongkha kiba kyrshan borbah ïa ka Kur baroh kawei.
Na ka liang u kongsan u ma Taiwan War bad u symbud kongsan ma Lamphrang Pohktai ha ka jingkren kila ai ka jingkyrkhu kyrdoh ïa ka Kur Sookpoh Khadar Wyrnai da kaba khmieh lynti ba kino kino ki jingthmu jong ka Kur kin long kiba jop bad ka jingïoh nong ïaka Kur da ka jingïanoh kylluid mynsiem jong baroh.
Ha ka juh ka por kum ki sahep sorkar kiba trei na ka bynta ka imlang ka sahlang, kila kular ban ïatreilang bad ka Kur ha kano kano ka por ba donkam.
La pynkut ïa ka jingïalang pyllait ïa kitei ki tiket Lucky Draw da ki kyntien ai khublei da u ma Marryngkat Syngkon bad ka jingnguh Blei na u Valentidio Paswet Asst General Secretary ka Kur Sookpoh Khadar Wyrnai.
Ïa ki tiket Lucky Draw yn pynkhalai haka 26/04/2025, na ka bynta ka Prize ba nyngkong 1st kan long daka song pisa kaba 1,80,000 tyngka, ka Prize ba ar 2nd 60,000 tyngka, ka Prize ba lai 3rd 30,000 tyngka, katba ki Consolation Prize ki don 20 tylli kaba mar 1000 tyngka. Ka dor jong ka tiket ka long 30 tyngka kawei.
