Shillong, Lber :Ka Deputy Commissioner ka East Khasi Hills District da kane ka pyntip ba ïa kiba bun ki skhim na ka Sorkar Pdeng kum ka ICDS nutrition POSHAN 2.0, CM Care pension, PMAY(G) iing baduk, scholarship khynnah pule, MHIS (Smart Card), MGNREGA, NFSA (khaw rashon), NSAP ( bai bam tymmen), LPG connection bad kiba bun kiwei pat ki skhim ka donkam ban don ïa ka Aadhaar card.
Kumta la kyntu ïa ki paidbah ki bym pat don Aadhaar card ba kin aplai noh mardor na ka ophis ka Deputy Commissioner, Shillong, lane lyngba ki ophis ki Block Development Officer lane lyngba ki Special Camp ba la pynkhreh ha ki post office da kaba wanrah ryngkat ïa ki dur EPIC (Voter ID) bad syrnot sngi kha.
Na ka bynta kito kiba hapoh ka 15 snem rta, ki dei ban wanrah ïa ki Schedule Tribe Certificate, Birth Certificate lane ki Aadhaar card jong ki kmie ki kpa.
Katba na ka bynta kito kiba la don lypa ïa ki Aadhaar card la aijingmut ban pyndep ïa ka jingpynïasoh ïa u Aadhaar bad ka e-KYC ha ki ophis bad Special Camp.Ki ophis jong ki Block Development Officer ki la pynlong ruh ïa ki special camp.ïa ki jingtip ba kham bniah lah ban leit lyngba ka ophis jong ka Deputy Commissioner nae Block Office.
