Khliehriat Lber 13: Ki arngut ki nongïalam jong ka Khasi Students’ Union (KSU) East Jaiñtia Hills District Unit kiba kynthup u Vice President u Satly Ryngkhlem bad u Disciplinary Secretary u Ohiwet Rymbai ki la phah ïa ka shithi iehnoh kam jong ki sha u President bad Secretary ka KSU-EJHD Unit ban pyntip ba ki la hap ban iehnoh ïa ka kam kaba ki bat kumjuh ïa ka jinglong dkhot hapoh ka seng na ki daw shimet jong ki.
Ha kajuh ka por ki ai ruh ka jingkhublei kitbok kitrwiang ïa ka Seng kaba ki la ïa don lang baroh shikatta bad kitbok kitrwiang ba kan nanglah ban iaid shaphrang bad ban pyntyllun ïa kiba bun ki kam kiba iadei na ka bynta ka bha ka miat jong ka ri bad ka jaidbynriew hi baroh kawei.
