Ngim don suloi ban ai ha ki dkhot hynrei da ka jinglen lade ban pynbha ïa ka jaidbynriew: Lambokstarwell
Mawkyrwat, Rymphang 01: Ka Khasi Students’ Union (KSU) Mawkyrwat Circle ha ka sngi Balang ka la pynthymmai ïa ki nong-kitkam na ka bynta ka samoi treikam jong u snem 2024 – 2027 ba la pynlong ha Ïing Dorbar Hall, Mawkyrwat, South West Khasi Hills District.
Ïa ki nongkitkam na ka bynta ka samoi treikam u snem 2024 – 2024 la pyn-skhem da u bah Lambokstar Marngar uba dei u President KSU Central Body ha ryngkat ka jingïadonlang ki rangbah shnong, ki dkhot ka Seng Samla Shnong bad kiwei de kiba la shah khot sngewbha.
U bah Lambokstar Marngar, President ka KSU Central Body haba ai jingkren ula ong ba ka jaidbynriew u Hynñiewtrep ngi la shah pharia ha ki dohlieh ha ki por ba la leit, hato ngi hun kum ki samla jong kane ka juk ba mynta ngi la shah hiar thma sa ha ki dohïong, ka jingjot ka jaidbynriew jong ngi mynta ka long ba ngi ïa tan tyllai para jaitbynriew, shibun ki mat ki jura ngi hap ban ïaleh bad shibun ki kam ngi hap ban pyntyllun ban wanrah ka jingkylla, ha ka shynshar khadar bad ha kiba bun tylli ki kam ba ngin hap ban ïaleh. “Ka KSU kam don ka suloi ban ai ha ki dkhot jong ka seng hynrei da ka jinglen lade ban aiti na ka bynta ki jingbha jong ka ri bad ka jaidbynriew baroh kawei”, ong u bah Lambokstar.
Ki nongkitkam ba thymmai jong ka Khasi Students’ Union (KSU) Mawkyrwat Circle na ka bynta ka samoi treikam jong u snem 2024-2027 ki long President u Rutherford Lyngdoh, Vice President u Pulljohnstar Wanniang, General Secretary u Plosbor Kharjahrin, Assistant General Secretary u Shiningstar Lyngdoh, Organising Secretary u Teiborlang Kharwanniang, Education Secretary u Amos Kharjahrin, ?Information and Publicity Secretary u Pynshailang Snaitang, ?Sports Secretary u Shanborlang Kharbani, Environment Secretary u Brightstarwell Khardewsaw bad kiwei de.
Kiwei de kiba la ai jingkren bad kyrkhu kyrdoh ïa ki nongkitkam ba thymmai ki long u bah Kynpham V. Kharlyngdoh, u bah Forwardman Nongrem, President KSU South West Khasi Hills District bad na u Rutherford Lyngdoh uba dei u President ba thymmai jong ka Mawkyrwat Circle.