Ngi kwah ban ïohi noh ïa ka jingpyntreikam pura ïa ki Entry, Exit Point: KSU

Shillong, Naitung 1: Ka seng ki samla pule Khasi Student Union seng kmie mynta ka sngi ki la leit ban kynduh ia u Myntri Rangbah ka jylla u Conrad K Sangma bad kila ia kren ruh halor ki 20 tylli ki mat jingdawa kaba ka seng kala phah ha ka por ba la dep ban pynsmai ia ki nongkit ba thymmai jong ka union.
Hapoh ka jingialam u President ba rangbah jong ka seng u Samla Raymond Kharjana kila kynduh ia u Conrad K Sangma ha State Guest Huose, Taraghar bad kila ia kren sani bha ha kaba oadei bad ki mat jingdawa ba ka seng kala ai sha u myntri rangbah.
Haba kren sha ki lad pathai khubor u Samla Raymond u la ong, ka jingiakren ka lah long kaba kham jrong khyndiat bad ba ia ki mat la kren shai kum ka jingdawa ban pyntrei kam noh ia ka ILP ha kaba u Conrad u la ong ba kane ka mat ka dang sahkut bad ka sorkar kmie bad na ka liang ka sorkar jylla kan iai pyrshang tynruh ia ka jingkhang ka sorkar kmie ban ioh pyntrei kam noh ïa ka ILP ha ka jylla.
“Nalor ka ILP, ngi la ïa kren shaphang ka jinglong jingman jong ka MRSSA hapoh ka jylla jong ngi, kumba ngi la iohi ha kine ki sngi bal ah leit la don ka khubor ba ngi iohi lyngba ki lad pathai khubor ban pynkylla ïa ka Felicitation Centre sha ka Food Court bad da kaba shai ngi la dep kren ba horkit hordang ka seng kan ym lah ban pdiang ban pynkylla ïa katei ka centre” ong u samla Raymond.
Shuh shuh u la ong, “Kumba ngi tip ba kane ka aiñ kadei kaba la pynmih naduh u snem 2016 bad kala long kaei kaei kaba lah slem bah ban pyntrei kam, hynrei na ka liang u CM u la pynpaw bad pyni ïa ka jingeh bad tyngkhuh bad ka sorkar kmie bad ka jingioh jingbit na u Lat ka jylla”.
“Ngi la kren shai ba la kumno kumno ruh ngi kwah ban iohi noh ïa ka jingpyntrei kam pura ïa ka Entry, Exit point bad ban pyntrei kam ïa ka MRSSA donkam ban don ki khyrdop ki ban talasi namar khlem ka khyrdop kam don jingmut ban pyntrei kam ïa ka MRSSA” u la ong.
Nalor kata ngi la kren ruh shaphang Meghalaya Residential Safety Migrant Workmen Act 2020, ha kaba ka seng ha ki snem ba la ai jingmut ban pynrung sa katto katne ki kyndon ha katei ka aiñ khang ban pynkhlain ïa katei ka aiñ hynrei sngewsih ban ong ba ïa kane ruh haduh mynta ym pat lah ban iohi ïa ka jingtrei kam pura, ong u samla Raymond.
Halor kane u CM u la ong ba kin pyrshang ban pyntrei kam noh ïa kane ka aiñ namar ba ktkum ka jingai jingmut ka jingdonkam ka long tang ban ioh ïa ka jingpynshisha na ki Pulit jong kito ki briew ki nongbylla kiba wan nabar ka jylla sha ka jylla jong ngi bad ïa kane ka jingai jingmut ka sorkar kala pdiang ïa kata.