Shillong, Risaw 02: Ha ka sngi Thohdieng ka sorkar Meghalaya ka la rakhe ïa ka sngi kha jong u kpa ki jaidbynriew jong ka ri u Mahatama Gandhi da kaba buh syntiew ha dur mot jong u ha khmat Secretariat.
Ïa ka jingbuh syntiew la lamkhmat da u Principal Secretary ka sorkar jylla u Bah Fredrik Roy Kharkongor, ha ka jingdonlang u Commissioner bad Secretary, u Vijay Kumar Mantri; u Director ka Meghalaya Administrative Training Institute (MATI), u Swapnil Tembe.
Nalor kitei ki heh sorkar la donlang ruh u ki nongtrei ka ophis jong ka Meghalaya Secretariat ha kaba baroh kila ïa don bynta lang ban burom ïa u kpa ki jaidbynriew jong ka Ri India ha kane ka sngi kha ka jong u.
Kane ka jingleh burom ka dei ka sngi kha bad ha kane ka sngi ka pynkynmaw ïa ka jinghikai ka jong u ha kaba ïa dei bad ki jingshisha bad ka jingïaleh kaba khlem ia umsnam bad ban pynioh ia ka shong suk ka dang ïai ai mynsiem haduh mynta bad ki pateng ban dang wan.
