Na pla lajong 1. 90 lak pynshna paiñkhana u Bah Rocky Hek ha Lumshyiap

0

Shillong, K’lyngkot, 14: U Bah Rocky Hek uba long u kyrtong jong ka National Peoples Party (NPP) na Pynthorumkhrah Constituency ha ka sngi Saitjaiñ u la plie paidbah ïa ki paiñkhana ha ka dong Lumshyiap, Nongmensong ïa kiba u la pynshna da kaba bei pisa na la ka jong ka pla haduh T.1.90 lak.
Ha ka jingplie ïa kine ki paiñkhana la sakhi lang da u Deputy Rangbah Shnong jong ka shnong Nongmensong u Bah Khonglah, u Rangbah Shnong u Bah Micky Nongrang, ka President jong ka NPP Women’s Wing ka Kong P. Nongpluh bad ki paidbah nongshong shnong.
U la ong ruh ba lada ka jingangnud jong u kan urlong ha une u snem 2023 kumba u la mih shakhmat ban ïakhun ïa ka elekshon sha ka Iingdorbar Thawaiñ, khlempep un trei shitom ban wanrah ïa ki song pynroi ha kane ka shnong kaba dang donkam bun ki song pynroi.

Leave A Reply

Your email address will not be published.