Shillong, Naitung 15 : Ka Trained Nurses Association of India Meghalaya State Branch ha ka 14 tarik Naitung 2023 ka la ïoh ban pynkut noh ïa ka jingïakynduh lang ba 4 sngi ki samla pule Nurse kaba la tip kum ka XIV Biennal State SNA Conference 2023 ha Convocation hall, NEHU. Ïa katei ka program ba la sdang naduh ka 11 tarik Naitung 2023 la pynïaid da ka Bethany School of Nursing, Shillong.
Ha kine ki ki saw sngi lynter jong kane ka program la ïoh ban pynlong ki jingpynïakob kiba pher bapher ba la ïashim bynta shitrhem da ki samla pule nurse na kylleng ki jaka bad District hapoh ka Jylla kynthup kynthei bad shynrang, ha kaba ha katei ka sngi kut la ïoh ban sam ïa ki khusnam nam jop, lyngba ki momento, ki trophy, medal bad ki syrnot.
Ka Kong Ivory Kharduit President jong ka Trained Nurses Association of India Meghalaya State Branch ka la ïathuh ba ka jingpynlong ïa ka prokram ïakynduh lang ka wanrah ka jingïajan hapdeng ki samla pule Nurse bad ruh ka jingïa ieit bad ka jingïatreilang.
Ïa kane ka Kong Ivory Kharduit ka la ong haba ïakren bad u Mawphor hadien ba la kut katei ka program ha ka 14 tarik Naitung 2023. Ha katei ka sngi la ïadonlang ka Kong M. Lyngdoh Joint Director, Nursing kum ka Kongsan, ka Kong B. Thabah Deputy Director kum ka Symbud kongsan nalor kiwei kiwei.
Ha kine ki ki saw sngi lynter jong kane ka prokram la ïoh ban pynlong ki jingpynïakob kiba pher bapher ba la ïashim bynta shitrhem da ki samla pule nurse na kylleng ki jaka bad Dostrict hapoh ka Jylla kynthup kynthei bad shynrang, ha kaba ha katei ka sngi kut la ïoh ban sam ïa ki khusnam nam jop, lyngba ki momento, ki trophy, medal bad ki syrnot.
