Nongpoh, K’Lyngkot 13: Uwei u samla ba dang 23 snem ka rta u la mynsaw jur hadien ba u la leit tynrah da ka scooty ïaka bynta ba shadien jong ka trok ha surok bah haka shnong Umdihar.
Kane ka jingjia kala jia hynnin ka janmiet ha kaba utei u samla bala tip kyrteng kum u Kaiaphas Lyngdoh naka shnong Mawhati u ba ñiah da ka scooty kaba don ïa u number ML 10 C 6269 kala leit ban tynrah ïaka trok kaba don ïa u number ML 11 B 0054 haduh ba un da mynsaw jur bad pynkit noh sha Civil Hospital Nongpoh. Halor katei ka jingjia naka liang ki pulit ki dang pynlong ka jingtohkit.
