Leit jurip u Myntri Rangbah ka jylla ïa ka jaka sah ki nongïalehkai Meghalaya Games

Shillong, Kyllalyngkot 13: U Myntri Rangbah ka jylla u Conrad K Sangma u la leit ban jurip ïa ka jaka sah jong ki nongïalehkai ha ka kane Meghalaya Games 2024 kaba San kiba la buh ban sah ha Tura Christian College ban tip ïa ka rukom pynkhreh ïa ki jaka sah na ka bynta ki nongïalehkai.
Ha kane ka jingleit na ka liang jong u myntri rangbah u la ïa kren bad ki nongwan ïashim bynta bad ki la pynpaw ïa ka jingsngew kmen ba ka jingpynkhreh ïa ki jaka sah ha katei ka jaka ka long kaba biang.
Kane ka jingïapoi lang jong ki samla na kylleng ka jylla ha Tura ban ïashim bynta ha kane ka jingïaleh kai jong ka 5th Meghalaya Games 2024 ka ban sdang ha ka 15 bad kut ha ka 20 tarik mynta u bnai kan long ka jingmyntoi ïa ki samla.
Ha kane ka jignleit ban jurip ïa ki jaka sah na ka liang jong u myntri rangbah u la ai ka jingkitbok ïa baroh kiba la poi ban ïashim bynta ha kane ka jingïalehkai ha ki 23 tylli ki jingïalehkai kiba pher bapher ba kin poi sha ka jingjop.