Mynsaw u nongñiah bad ki nongshong kali ba tynrah ka Maxx ïa ka trok ha Umiam

0

Nongpoh, Ïaiong 28: U nongñiah jong kawei ka kali kamai lem bad ki katto katne ngut ki paidbah kiba shong ha katei ka kali, ki la mynsaw, hadien ba katei ka kali kamai ka la leit ban tynrah beit nadien jong katei ka trok, kaba la sniew bad kaba ieng ha surokbah NH-6 bad kaba hap hapoh ka shnong Umiam.
Katei ka jingjia, ka la jia hynnin ka janmiet ha ka por 7 baje eiei, ha kaba katei ka kali kamai kaba don ïa u number ML 10 A 6962 kaba dang thmu ban kiew sha Shillong kala leit ban tynrah beit nadien jong katei ka trok kaba don ïa u number AS 01 EC 4133 kaba dang ïeng harud surok namar ba ka don jingthud.
Naka liang ki pulit jong ka Umiam Police Station tang hadien ka jingioh jingtip ïa katei ka jingjia kila leit mar mar sha katei ka jaka bad pynkit noh ïa kitei kiba mynsaw sha Bhoirymbong CHC naka bynta ka jingsumar bad ka jingtohkit halor katei ka jingjia ka dang ïaid shakhmat.

Leave A Reply

Your email address will not be published.