Nongpoh, Naitung 15: Ka seng Hynniewtrep Integrated Territorial Organization (HITO) Ri-Bhoi District kala phah da ka kyrwoh kaba shai bad ka jingmaham ïa baroh ki tnad treikam jong ka sorkar pdeng, ki ophis semi government ba kim dei ban plie haka 17 tarik Naitung kaba dei ka sngi burom ïaka lyngkhuh sngi ïap ba 188 jong u khlawait Tirot Sing Syiem.
Naka liang ka seng kala phah ruh ïa katei ka kyrwoh dei hadien ba bun naki ophis treikam jong ka sorkar pdeng, ki semi-Government kim burom ïaki sngi kyrpang bad ki sngi shuti bad lada lap ïa kino kino ba leh pyrshah naka liang ka seng kan sa keit ban khang hi bad ban shim pat da kiwei ki sienjam.
