Jowai, Naitung 15: U Chairman ka Khadi and Village Industries Commission (KVIC) u Manoj Kumar mynta ka sngi ha ka jingleit jngoh jong u ïa ka Amlarem Sub-Division, West Jaiñtia Hills District ula ïoh ban sam haduh 200 tylli ki synduk ri ngap sha ki 20 ngut ki nongtrei ngap jong kane ka thaiñ War Jaiñtia.
Napdeng kine 5 ngut ki dei na ka shnong Jong -U- Chen bad 15 ngut ki dei na ka shnong Pdengskeh ha kaba la ai ïa ki mar 10 tylli ki synduk.
Ïa kane ka prokram la pynïaid hapoh ka skhim Gramodyog Vikas Yojna, ka skhim kaba pyntrei da ka Khadi and Village Industries Commission (KVIC) kaba kyrshan ïa ki karkhana sha ki thaiñ nongkyndong. Ha ka juh ka por u Chairman ula Sam ruh ïa ki tiar ri jingri bad ki syrnot sha ki nongïoh bynta.
