Leit shim bynta ki nongpyni dohksah na Meghalaya sha jylla Karnataka

0

Shillong, K’Lyngkot 14 : Ki nongïalehkai pyni ksah na ka jylla hapoh ka lama jong ka Meghalaya Body Builders’ Association ki la leit ban shim bynta ha ka lympung 16th Senior Bodybuilding and Physique sport championship 2025, kaba long naduh 14-16 tarik Kyllalyngkot ha Belagavi, Karnataka.
Ïa kane ka lympung ïalehkai la pynlong da ka jingïatrei lang hapdeng ka Rotary Club of Belgaum bad ka Belgaum Sports Club ryngkat ka Karnataka Association of Body Builders hapoh ka lama jong ka The Indian Body Builders Federation.
Ïa kane ka kynhun la ïalam da u Sujit KR Das kum u Coach bad Team Manager katba ki nongïalehkai pat ki kynthup ïa u Samewan Paswet bad ka Priyanka Kharsanngap.
Kane ka long katkum ka kyrwoh ba la phah da ka General Secretary ka synjuk ka Kong Claudia Jessica Bamon.

Leave A Reply

Your email address will not be published.