Shillong, Lber 15: Mynta ka sngi u myntri rangbah ka jylla u Conrad K Sangma u la leit ban ïa shim bynta ha ka jingai jinghikai ïa ki MLA kaba la pynïaid da ka Legislative Researched Program (LRP) ha Parliament, New Delhi.
Kane ka jinghikai ka long ïa ki MLA kiba dang shah jied thymmai hapoh ka ïing dorkar Meghalaya ba kin ïoh shim bynta kham bha ha kaba ïadei bad ka jingshim ïa kano ka rai ha ka synshar khaddar.
Ha kane ka jingïalang bun na ki MLA jong ka jylla Meghalaya ki la leit ban ïashim bynta ïa kane ka jinghikai la pynlong da kawei na ki shnat trei kam jong ka Parliament jong ka Ri India.
