Jowai, Jymmang 10: U lat ka jylla u Phagu Chauhan mynta ka sngi ula leit jngoh ïa ka Land Ports Authority of India, kaba don ha Dawki. Ha kane ka jingleit hiar la ïoh lad ban pynlong ïa ka jingïalang (review meeting) ha ryngkat bad ki hehduh jong ka Central Agencies, na ka sorkar jylla, ki nongïalam shnong bad ki shipai BSF.
Ïa u lat ka jylla la synran lang da Dr. B.D.R Tiwari, IAS Commissioner & Secretary jong u Governor, u Animesh Tiwary, Deputy Commissioner ka Customs, Shillong bad Executive Manager LPAI Dawki, Thulisseryl Chacko.
Ha kane ka (review meeting) la pynlong ha katei ka jaka ba don ka Port ha ka jingdonlang naduh u Superintendent of Police ma Chemphang Syrti, Additional Deputy Commissioner bah FB Basan MCS, Additional Deputy Commissioner & Incharge Sub Divisional Officer ka Amlarem Civil Sub-Division kong J.U Kharpuri, Assistant Commandant 4Bn BSF, BOP Dawki, u Pankaj Kumar, Additional Deputy Commissioner & incharge Sub-Divisional Officer of Pynrusla Civil Sub-Division kong E. Warjri bad kiwei de.
Na ka liang ka SDO of Amlarem Civil Sub-Division kong JU Kharpuri kala ai ka jingkren pdiang sngewbha bad hadien kane la ïoh ïa ka jingïaphylliew jingmut lang ha kaba ïadei bad ki issue jong ki tnad sorkar bapher bapher bad ki nongïalam shnong.
Hadien kane u lat ka jylla ula leit jngoh kumjuh ïa ka ICP Tamabil BOP Dawki, ïa ka wah Umngot bad ka BOP BSF Dawki, ha kaba ula ïoh lad ruh ban ïakren bad ki ophisar sorkar.
