Lap u Dy. CM ba pynkylla Single Lane ïa ka surok na Jingkieng Borbasing sha Lad Alikwareng

0

Mawkyrwat, Nohprah, 01: U Symbud Myntri Rangbah ka Jylla Meghalaya uba peit ïa ka tnat PWD (Roads) Bah Prestone Tynsong ha ka sngi Palei u la hiar jurip ïa ka surok ka dei ïaid na Ranikor -Nongjri -Maheshkhola sha Baghmara ban pynthikna ba ka dei ban long katkum ka jingmang ba la buh.
Hynrei ha kane ka jingjurip u la lap pynban ba ki don ki bynta ba ka National Highways & Infrastructure Development Corporation Limited (NHIDCL) ka la shna ha ka dur jong ka Single Lane ym ïa ka Two Lane bad ïa kane ka lap ha ki bynta ba sha shiliang jong ka Jingkieng Borbasing sha Lad Alikwareng kaba don kum 4 lane 5 kilomitar ei ei.
Ha ka jingïakren bad ki lad pathai khubor, u Bah Prestone u la pynpaw ba ha ka jingpeit jong u kane ka surok kaba don kumba 5 kilometre ei ei don ki bynta ba ka i ha ka dur jong ka Single Lane lane Intermediate Road. Kumta u la bthah ïa ki ophisar jong ka NHIDCL ba ki dei ban shimkhia ban pynbiang halor kane ka surok ba kam dei ban noh shiliang hynrei ki dei ban trei kumba la bhah ha ka dur jong ka Two Lane ym ka Single Lane.
Shuh shuh u la ong ba lyngba kane ka jingleit ban jurip u kyrmen ba ha kine ki sngi ka NHIDCL kan sa leh ïa kaba donkam kumba ka dei ban long.
Ha kaba ïadei bad ka surok na Phlangdiloiñ kaba ban ïaid shaduh Ranikor, u Bah Prestone u la ong ba ïa kane yn sa bhah ha ka 2nd Pphase ha kaba na ka liang ka tnat ruh ka ladep ban ïateh ïa ki Consultant ba kin sa pynbiang ïa ki jingdonkam baroh bad kin sa phah sha ki bor ba dei peit bad ban ïoh pyndep sa ïa ka Details Project Report (DPR).
“Ïa kane ka surok na Wahkaji – Phlangdiloiñ shaduh Ranikor yn sa shna ha ka dur jong ka Intermediate Lane”, ïathuh u Bah Prestone.
Ïa u Symbud Myntri Rangbah la synran lang da u Commissioner and Secretary PWD (Roads & Building) u S.M.A. Razi, u MLA ka Ranikor Constituency Bah Pius Marweiñ, u Deputy Commissioner, South West Khasi Hills District Bah Tableland Lyngwa, u Chief Engineer, PWD (Roads) Bah K.K. Mawa, u Superintending Engineer PWD (Roads) Western Circle Bah J.N.S Lakiang, u Executive Engineer, PWD (Roads), Ranikor Division Bah K.C. Nongrum bad ki nongtrei jong ka NHIDCL.

Leave A Reply

Your email address will not be published.