Nongpoh, Ïaiong 13: Ha kawei na ka jingjia bym poi pyrkaht ki pulit ka Khanapara hadien ba la ïoh jingtip ki la hiar mardor sha ka Iew kaba don ha Baridua halor ka jingdon jong uwei u Rangbah ba la suba thiah ïap hapoh kawei ka Kali Swift Desire kaba don ïa u Number AS 01 FC 6912 bad hadien ba la poi ha katei ka jaka la lap shisha ba utei u rangbah u la thiah ïap hapoh katei ka Kali.
Kane ka jingïoh jingtip ki Pulit halor utei u rangbah uba la ïap hapoh ka Kali Tourist ka dei hadien ba la pyntip da u Rangbah Shnong ka Baridua.
Hadien ba la tohkit la lap ba utei u u rangbah bad uba dei ruh u Dribar katei ka Kali Tourist la tip kyrteng kum u Mitun Sen uba dei na Beltola ha Assam.
