Lahduh u samla Shemladbha bad ka samla Senebi ha ka Inter-College Arm Wrestling jong ka Seng Khasi College

Shillong, Jymmang 03 : Kum shibynta ban rakhe ïa u mawmer jong ka jingdap 50 snem, ka Seng Khasi College ka la pynlong ïa ka Inter-College Arm Wrestling Competition ha ka 02 tarik u Jymmang 2023 ha kaba la wan ban ïa shim bynta da ki 14 tylli ki kolej bapher bapher kiba kynthup ïa ka St. Anthony’s College, St. Edmund’s College, St. Dominic’s College, St. Mary’s College, Sankardev College, Shillong Polytechnic, Synod College, Shillong Commerce College, Seng Khasi College, B.B.S College, M.L.C.U, Mawlai Presbyterian College, Umshyrpi College bad ka Women’s College.
Ha ka jingïakob jong ki kynthei, ha ka 50 kg, ka Pynsuklang Lyngdoh (Seng Khasi College) ka la ïoh ban khur ïa ka jingjop da kaba pynliem ïa ka Daihunshisha Mawlong (Seng Khasi College). Ha ka 55 kg, ïa ka nam lahduh la ïoh ban rah da ka Merisha Thongni (Seng Khasi College) da kaba pynliem ïa ka Jolene V Diengdoh (St. Edmund’s College). Ha ka 60 kg, ka Senebi Syngkli (St. Anthony’s College) ka la khur ïa ka jingjop da kaba pynliem ïa ka Riteeka Sarki (B.B.S College).
Ha ka 65 kg, ka Yirmi Jagoi (Women’s College) ka la pynliem ïa ka Kriti Noroh (St. Edmund’s College) bad ha ka 70 kg, ka Ladapbiang Malieh (Seng Khasi College) ka la khur ïa ka jingjop da kaba pynliem ia ka Baiancy Kharbani (St. Mary’s College).
Haba phai sha ka liang ki shynrang, u samla Shemladbha Khongwir (Seng Khasi College) u la khur ïa ka jingjop ha ka 55 kg da kaba pynliem ïa u samla Edmund Kshiar (St. Anthony’s College) katba u samla Shanbhalang Rynjah (St. Anthony’s College) u la khur ïa ka jingjop ha ka 60 kg da kaba pynliem ïa u samla Teiboklang Warjri (Seng Khasi College). Haba phai pat sha ka 65 kg, u samla Soshim Kasar (St. Edmund’s College) u la khur ïa ka jingjop da kaba u la pynliem ïa u samla Enstone R Marak (Shillong Commerce College).
Ha ka 70kg, u samla Tadak Dui (St. Edmund’s College) u la pynliem noh ïa u samla Russel Marboh (Seng Khasi College). Ha ka 75 kg, u samla Bamang Tajik (St. Dominic’s College) u la khur ïa ka jingjop da kaba pynliem ïa u Franky K Lamin Gashnga (Sankardev College). Ha ka 80 kg, u samla Jyohanan D Nongrum (St. Edmund’s College) u la khur ïa ka jingjop da kaba pynliem ïa u samla Mangjylliew Marwein (Sankardev College).
Ha ka 85 kg, u Banangaiboklang Fancon (Seng Khasi College) u la khur ïa ka jingjop da kaba pynliem ïa u samla Joseph Laltlanhlua (St. Dominic’s College). Ha ka 90 kg, u Saikupar Marpna (Seng Khasi College) u la khur ïa jingjop da kaba pynliem ia u Yuvraj Sing (Umshyrpi Collge).
Ha ka jingïakhun ban ïaknieh ïa ka nam ‘Champion of Champions’, na ka liang ki kynthei ïa ka nam lahduh la ïoh ban khur da ka samla Senebi Syngkli (St. Anthony’s College) katba na ka liang ki shynrang, u samla Shemladbha Khongwir (Seng Khasi College) u la ïoh ïa ka nam lahduh. Ha kane ka jingïakob, ka Seng Khasi College ka la ïoh ruh ban rah ïa ka khusnam ‘Champion Team’ (Boys & Girls Category).