Shillong, Nohprah 05 : U rangbah uba ju sngewtynnat ban mareh marathon bad uba la ioh khur bun ki jingjop ha ka iakob mareh, u Bah Badon Sing Tham, ba shong ba sah ha Mawlai, mynta ka kynti ruh u la ioh khur jingjop biang da kaba wan nyngkong ha ka kyrdan rta ia mareh jong u kaba 50 haduh 59 snem ha ka jingiakob mareh ha Guwahati kaba long ha ka 03tarik mynta u bnai.
U Bah Badon u la wan nyngkong ha ka Goal India Limited Guwahati Half Marathon , haba mih khmat ruh ia ka Meghalaya Police da kaba pyndep ia ka thong ha ki 39 mint, 42 second ha ka jingmareh kaba 10 kilometer. Katba u Ramesh Chamlegi u la wan baar bad u Brig. Hari Kirpal Singh u la wan ha ka kyrdan balai.
Ha ka Liang ki kynthei ba 50 haduh 59 snem kata ha ka thup kiba 10 kilometer ia ka nam lahduha ioh da i Kong Ibameri Shullai, bud sa ka Soniya Sharma ha kyrdan ba ar bad ia ka khusnam ba lai la ioh da ka Vihaya Gupta.
Ha ka thup ba 10 kilometer jong kiba 40-44 snem jong ki kynthei ia ka kyrdan ba nyngkong la ioh da ka Bandana Baruah, bud sa ka Kong Benita Nongrum ha kyrdan ba ar katba ia ka kyrdan baai la ioh da ka Basanti Sonar.
Ka thei na ka jylla ka Starina Jasain ka la wan baar ha ka jingiakob mareh ha ka thup ba 21 kilometer ha ka kyrdan rta ba 50 snem shaneng.
Katba ha ka iakob mareh ba 10 kilometer ong ki kynthei kiba ha ka kyrdan rta ba 25-29, la wan nyngkong da ka Sangita Bordoloi, baar ka Tarali Phukan bad balai ka thei na Meghalaya ka Dakahi Kyndait (Ba mih khmat ia ka Meghalaya Police).
Ha ka thup kiba 60-69 snem kiba mareh ha ka 10 kilometer ia ka khusnam ba nyngkong ioh da u James Tamang bna Meghalaya, ia ka khusnam ba ar da u Uday Rai bad balai pat la ioh da u Arabinda Deka.
Ha kane ka Half Marathon ki la don palat ia ka 5000 ngut kiba la poi ban ia shim bynta ha ka 21KM, 10KM bad 5KM ha ki kyrdan rta bapher bapher. Kiba don jingthut ha ki dkhot met ruh ki shim bynta ha ka mareh ba 5KM bad ki don ruh haduh 800 ngut ki kynthei kiba la ia shim bynta.
I meirad Kmoin Wahlang iwei na ki nongmareh ba la heh rta bha na Meghalaya iba ju khur ruh ia ka jingjop man ki jaka ba I leit iakhun, i la leit ban shim bynta lang bad khur jingjop ruh ha ka thup jong ki.
Ia kane ka Half Marathon ha Guwahati la pynlong da ka Indian Army ryngkat bad ka sorkar Assam.
Kiba wan nyngkong ha ka thup mareh ba 21KM ki kynthup ia u Nazeem Pulikkal na ki liang ki shynrang bad ka Phurba Tamang ha ka thup ki kynthei.
