Ïoh jingmyntoi ki khynnah skul ha kylleng ka Ri-Lum Jaiñtia na ka prokram “We Ring The Bell”

Jowai, Ïaïong 17: Ka “We Ring The Bell” campaign ka dei ka jingpyrshang paidbah ha ka pyrthei kaba la sdang da ka Liliane Foundation ha u snem 2012 ban pynsngewthuh paidbah halor ka jingdonkam ka inclusive education na ka bynta ki khynnah kiba don jingduna ha ka met ne jingmut jingpyrkhat.
Ha India, ïa kane ka campaign la pynïaid da ka Jan Vikas Samiti (JVS) ryngkat bad ki partner kum ka Bethany Society. Ha u snem 2026, ïa ka campaign la pynlong naduh 15 tarik u Lber haduh 15 tarik u Ïaiong, halor ka phang “Welcoming All Children in School,” kaba kdew ïa ka jingdonkam jong ki 3 bynta: Accessibility, Acceptance bad Adaptation. Lyngba ki kam bala leh naduh ka jingring bell, jingput whistle bad jingpynsawa paidbah, shuh shuh kane ka campaign ka thmu ban pynsngewthuh paidbah halor ka jingdonkam ban ai jinghikai sha baroh ki khynnah.
Ka thong jong kane ka campaign ka long ban pynshlur ïa ka inclusive education bad ban pynsngewthuh paidbah ha ki khynnah, ki nonghikai, ki paidbah bad ki nonïialam shnong. Ka thmu ruh ban kyntu ïa ki sorkar bad ki paidbah ban shim bynta ban pynthikna ba baroh ki khynnah kin ïoh jinghikai khlem da kheiñ ïa ka jinglong jong ki.
ïa kane ka campaign la lah ban pyntreikam ha ki 7 tylli ki skul bad 2 tylli ki Anganwadi Centre ha West bad East Jaiñtia Hills. ïa ki kam la ïalam da ka Lead CBR Consultant kong Risaka Challam bad la kyrshan da ki consultant ka JVS kong Hingaitphi Tang, bah Womphermi Suchiang, kong Jostina Rabon, u bah Henry Shylla ryngkat bad ka Bethany Society.
Ha ka 2 tarik Ïaiong 2026, la pynlong ïa ka campaign ha Lum Mulong SSA School kila don haduh 107 ngut ki khynnah, 3 ngut ki nonghikai bad 4 ngut ki paidbah kiba la wan ïashim bynta. Ha kajuh ka sngi, ha Sohsylle Wah Shnong LP School, ki don 230 ngut ki khynnah, 8 ngut ki nonghikai bad 5 ngut ki paidbah ki la ïashim bynta da ka jingkmen.
Ha ka 7 tarik Ïaiong 2026, ha Little Flower Secondary School Sahsniang, ki don 1,160 ngut ki khynnah, 7 ngut ki nonghikai bad 4 ngut ki paidbah ki la ïashim bynta.
Ha ka 8 tarik Ïaiong 2026, ha R.C. L.P School Mukhaialong, 182 ngut ki khynnah, 4 ngut ki nonghikai bad 4 ngut ki paidbah ki la ïashim bynta. Ha Brightstar L.P School, 115 ngut ki khynnah, 5 ngut ki nonghikai bad 4 ngut ki paidbah. Ha R.C. L.P School Lumpyrtuh Mihmyntdu, 580 ngut ki khynnah, 7 ngut ki nonghikai bad 5 ngut ki paidbah ki la ïashim bynta.
Ha ka 10 tarik Ïaiong 2026, ha Robinson Memorial Secondary School, 350 ngut ki khynnah, 12 ngut ki nonghikai bad 4 ngut ki paidbah ki la ïashim bynta.
Ha ka 11 bad 13 tarik Ïaiong 2026, ha ki Anganwadi Centre, 15 ngut bad 18 ngut ki khynnah ryngkat bad 2 ngut ki nongtrei ki la ïashim bynta.
Ha baroh ka campaign, kila don 2,757 ngut ki khynnah, 50 ngut ki nonghikai bad nongtrei, bad 30 ngut ki paidbah ki la ïashim bynta. Kane ka la pynsngewthuh shaphang ka ‘inclusive education’ bad ki 3 bynta Accessibility, Acceptance bad Adaptation.
Ha kaba kut, ka “We Ring The Bell” Campaign 2026 ka la jop bha ha Jaiñtia Hills bad ka la ai ka khubor kaba khlaiñ ban pynthikna ba ym don mano mano ruh u khynnah uba shah iehnoh shadien ha ka jingïoh jinghikai.