Lahduh ka Meghalaya ha ka National Shoto Cup Karate C’ship khur haduh 45 tylli ki takma ksiar

Ki kyrteng jong ki nongïalehkai ka Jylla kiba la ïoh khur takma:
Kiba la ïoh khur takma na ki shynrang ha ki kyrdan bapher bapher, ki kynthup: Samuel Kürbah, Nowni Mayer F Ryngkhlem, Abhradeep Aguan, Emmanuel B Diengdoh, Ferdinand Samkupar Rani, Febbyson Lyngkhoi, Gregorwilson Makdoh, Nathanial Marbaniang, Romeo Nongtdu, Jeremiah Kharshandi, Yowanki Kharwillborn, Ram Lanong, Damebanmerbha S.Blah, Samebanmerbha S Blah, Gideon Tympuin, Shanders on Nongrem, Kynpham Kharkongor, Bhawanchwadame Lyngdoh Mawphlang, Wilson Myliempdah, Paul Danny Kharmudai, Cheltis Shylla, Evanmeadon Rynghrang, Teiborlang Lapang, Davyson Kharkongor, Ialamphang Kharkongor, Nangkitbok Phira, Gary Daniel Lyngdoh Mawlong, Edwilbert K Nongkynrih, Fredrick Shangpliang; Glikerius Buhphang bad Mings on Rymbai.
Kiba la ïoh khur takma na ki Kynthei ha ki kyrdan bapher bapher, ki long: Esaranaki Kharjana,
Dominica P Kharbani, Emika Deimaia Myrthong, Kerridame M Khongji, Dayalangki Challam, Mebapynhun Marngar, Jennet Rumnong, Daphishisha Shadap, Daphilahun M Wahlang, Aibiangpormika Lyngdoh Mawphlang, Sinalin Marngar: Inlumlang skhemiew, Kynjailin Lyngdoh Mawnai, Anisha Wahlang, Delightful Marngar, Larisha Kurbah, Rebeka Nongspung, Melvarica Kharbani, Carene Sohiong, Carenia Rapthap, Impera Makdoh, Elisheba Khongwar, Eva Gracia
Mary Kharumnuid, Barisha Kharbani bad Phikerbha Kharbihkhiew.

Shillong, KyllaLyngkot 13: Ka long ka nam bad ka burom ïa ka Jylla hi boroh kawei hadien ba ki nongïalehkai karate ba mihkhmat ïa ka Meghalaya ki la ïoh khur haduh 109 tylli ki takma bad shah pynkup nam kum ka Overall Team Champion ha ka Kanninjuku Training Camp-cum-National Shoto Cup Karate Championship 2023.
Kine ki takma ba ki nongïalehkai ka Jylla ki la ïoh ban khur na katei ka rynsan ïakop karate ba la pynlong ha Khandala, Maharashtra, ki kynthup ïa 45 tylli ki takma ksiar, 37 tylli ki takma rupa bad 27 tylli ki takma rnong.
La sdang ïa kane ka rynsan ïakop karate naduh ka 29 tarik haduh ka 31 tarik u Nohprah 2023, bad da ka jingjop kaba don burom jong ki khynnah ka pyni ba ka Jylla ka don shibun ki samla kiba tbit ha kane ka jingïalehkai. Ka jingïaroh ka long sha ki nongïalehkai bad kumjuh ruh ïa ki coach kiba la pynpoi kiba la lah ban poi shaduh ka burom.
Ha kane ka kynti, na ka liang jong ka All Meghalaya Karate-Do Association (AMKA) ka la phah 57 ngut ki nongïalehkai karate hapoh ka jingïalam jong u Bah Donboklang Lyngdoh, Arjun Sewa bad Greater EM Kharpuri.
Baroh 57 ngut ki nongïalehkai-karate ka jylla kiba la phah da ka AMKA sha katei ka rynsan ïakop ki la ïoh khur jan man kawei ka takma, ha kaba u Gideon Tympuin, Paul Danny Kharmudai bad Glikerius Buhphang ki la ïoh khur mar lai tyli ki takma ksiar.