La treikam mardor ïa ka MCC da ki kyndon aiñ jong ka 163 BNSS ha EJHD

0

Khliehriat, K’Lyngkot 27: U District Magistrate jong ka East Jaiñtia Hills District, u Shivansh Awasthi, IAS ha ka jingpyllait khubor mynta ka sngi, u la pynbna ba na ka bynta ka election ban jied nongmihkhmat ne MDC sha ka Jaiñtia Hills Autonomous District Council, la pyllait ïa ka hukum ha kaba ïadei bad ka Model Code of Conduct (MCC) kaba don hapoh ki kyndon aiñ 163 BNSS..
Katkum ka hukum la mana ban rah pisa palat ïa ka T50,000 tyngka shaneng, la mana ba rah ïa ka ksiar ne ka rupa kaba khlem don ki jingthoh kiba biang, la mana ban tah ïa ki poster ne kino kino ki kot (paper), ban sieh ïa ki banner ha ki kynroh ne kino kino ki jaka paidbah lane ban pynieng ha ki jaka jong ki briew shimet bad ruh ha ki jaka sorkar (Government and Semi Govermrnt buildings), kane ka hukum ka dei na ka bynta ki paidbah bad khamtam na ka bynta ki seng saiñ pyrthei ne ki political parties.
Kino kino ki seng saiñ pyrthei ne ki political party kiba pynkheiñ ïa ki kyndon aiñ jong ka Model Code of Conduct yn pynshitom ïa ki katkum ki kyndon aiñ 223 jong ka Bharatya Nyaya Sanhita (BNS) 2023 bad ruh kin ngat hapoh ki aiñ ba la don lypa, la ong ba kane ka hukum kan treikam noh mardor bad kan nang ïai treikam haduh ban da dep ka election MDC.

Leave A Reply

Your email address will not be published.