Pynjari kyndon 163 BNSS 2023 namar ka elekshon MDC

Nongstoiñ, K’lyngkot, 27: U District Magistrate, ka West Khasi Hills District bah Garod LSN Dykes IAS u la pynjari da ka kyndon 163 BNSS 2023 ha baroh kawei ka District kaba khang ban rah bad pyndonkam ïa ki suloi licensed lane kino kino ki tiar pynmynsaw ka ban pynthut ïa ka jingpynlong ïa ka election KHADC kaba khuid ba suba kaba laitluid bad kaba jop hapoh West Khasi Hills District.
U la pyntip bad bthah sha baroh kito kiba don Laisen Suloi ne Pistol kiba hap hapoh u pud u sam jong ka District, ba kin sngewbha ban leit buh noh shipor ïa ki suloi/Pistol jong ki sha ki thanad kiba marjan bad ka shnong jong ki hapoh ka 10 sngi, naduh ba la pynmih ïa kane ka hukum bad kiba ïaleh pyrshah kin ngat ha jingpynshitom katkum ka section 221 of the BNS 2023.