Da 6th Maitshaphrang Academic Award, yn pynkup burom ka KSU War Jaiñtia Circle ïa ki samla pule ka thaiñ

Jowai, Naiwieng 09: Ka Khasi Students’ Union (KSU) War Jaiñtia Circle sa shisien kan pynlong ïa ka 6th Maitshaphrang Academic Award 2026 ban pynkup burom ïa ki samla pule jong ka thaiñ War Jaiñtia kiba hap hapoh ka Amlarem Sub-Division bad kiba la pass bha haka examine SSLC, HSSLC, CBSE, Graduate bad Post Graduate.
Ka jingthmu jong ka seng ban pynlong ïa kane ka jingpynkup burom ka long kum shibynta ban ai mynsiem bad pynshlur ïa ki khun samla jong ka thaiñ ha kaba kin nangtrei shitom bad minot thop ban ïoh kheit ïa u soh bathiang jong ka jingjop.
Ïa ka tarik ban pynkup burom kan long haka 29th December 2026, jaka ha Amlarem West Jaiñtia Hills District, ka tarik ba khadduh ban pdiang ïa ki marksheet haka 7th December 2026.
Yn pdiang 80% shaneng ïa kiba pass naduh SSLC, HSSLC bad CBSE, katba ïa ki Graduate bad Post Graduate 70% shaneng.
Kumta ka seng ka khot bad wer ïa ki khun samla jong ka thaiñ ba kin sngewbha ban pynpoi ïa ki marksheet jong ki ha ka por kaba biang ha kine ki numbers harum bad phone ruh lada donkam ïa ki jingbatai kiba bniah.
Ïa ki jingtip ba khambniah phone ha kine ki No: 60092 42315, 70058 53349, 70059 62523, 87309 59245. Kane ka long katkum ka kyrwoh ba la phah da i samla Ladaplin P Hayong, Education Secretary KSU War Jaiñtia Circle.