La rakhe ïaka Republic Day ha Jowai

0

Jowai, K’Lyngkot 27: Ïa ka Republic Day kaba 76 mynta ka sngi 26 tarik la rakhe ha madan Jrisaleiñ, Chutwakhu, Jowai ha kaba u ma Comingone Ymbon ula wan ban pynher ïa ka lama lai rong jong ka ri bad shim ruh ïa ka Rashtriya Salute jong ki 15 tylli ki kynhun ba kynthup ïa ki District Police Jowai, ki NCC na ka Govt. Girls HSS, ka Meghalaya Bharat Scout and Guides bad bad 12 tylli ki skul bud sa ka jingpyni Tableau da ki Department bapher bapher kiba pyni ïa ki skhim bad jingjop jong ki.
Ïa ka nam Best Marchpass la ïoh rah da ka skul JNV Mukhla, ïa ka nam ba-ar la ïoh da ka Seinraij Higher Secondary School, Jowai bad ïa ka nam ba-lai la ïoh da ka St. Mary Mazzerello HSS, Jowai.
Ka ophis District Horticulture Officer, Jowai ka la rah ïa ka nam ba nyngkong ha ka jingpyni ïa ki tableau, katba ka District A. H & Veterinary Officer ka la rah ïa ka kyrdan ba ar bad ka District Commerce & Industries Centre ka la rah ïa ka nam ba lai.
Ha kane ka sngi ka District ka la sam ruh ïa ki Mementos sha ki nongrwai ba kynthup ïa ki nongthaw jingrwai, ki nongrwai, ki nongnoh synñiang sha ka music video ha ka jingïadei bad ka theme song jong ka 6th Meghalaya Games.
Kiwei pat ki jinglehkmen jong kane ka sngi ki long ki jingrwai, ki jingshad bad ka jingsam ïa ki jingai sngewbha bad ki jingbam sha ka Children’s Home da ki heh sorkar bad ki kynhun seng (Social Organisation).
La rakhe ruh ïa kane ka sngi ha Amlarem Civil Sub Division bad ha Hima Shangpung ha kaba u Shri. Gavin Mylliem, MLA ka Sohra u la pynher ïa ka lama ka Ri ha madan ïalehkai Amlarem Government Lower Primary School, Amlarem bad ka Smt. Santa Mary Shylla MLA ka Sutnga Saipung ha Madan ïalehkai Hula, Shangpung Moosyiem.
Nalor ka jingai khusnam sha ki parade ba tbit tam ha Amlarem Subdivision, ka ophis ka la pynkup burom ruh ïa arngut ki nonghikai ka kong Amvalina Buam na ka skul LP sorkar Muktapur bad u Tiliyous Lamare jong ka skul sorkar Tarangblang na ka bynta ka jingaiti lut bad ka jingtrei shitom jong ki. La sam ïa ka Award sha u Dawani Challam, Assistant Agriculture Inspector, Amlarem na ka bynta ka jingtrei ba long ka nuksa jong u.
La pynkup burom ïa ka Water Committee jong ka shnong Dawki na ka bynta ban pynthikna ïa ka um dih kaba khuid bad kaba bit ba biang na ka bynta baroh ki longïing. La ai ïa ka syrnot ai khublei sha baroh ki skul kiba la ïashim bynta. Ki ASHA ruh ki la shah pynkup burom lang ha kane ka sngi ba rakhe ïa ka Republic Day.

Leave A Reply

Your email address will not be published.