Bun satang ki kam pynroi sahteng ha Nongstoiñ, ai dorkhas ka HYC ha u Bah Prestone

0

Nongstoiñ, K’kyngkot 27: Ka Hynñiewtrep Youths Council HYC West Khasi Hills District hapoh ka jingïalam u samla Lumlang Kharsyiemlieh President bad samla Disterborlin Wanniang Vice President, ha ka janmiet sngi saitjaiñ, ka la ïaynduh ïa u Bah Prestone Tynsong Dy Chief Minister ka Sorkar Meghalaya ha IB PWD Nongstoiñ
Ha ka jingïakynduh ka seng ka la pynpaw halor ki mat kiba kongsan kiba long kiba long ki kam pynroi ha West Khasi Hills District, kata ban plie noh ïa ka MCH hapoh Nongstoiñ kaba ka building la dep shna 10 snem mynshwa, ki tiar ki lah poi hynrei ka kit noh sha kiwei ki District.
Ka daw baroh la shu ïa tip baroh ba ym pat mang ïa ki nongtrei ne man power. Ka jingkylli ka long hato ka Building bad ki tiar kin lah hi ban ai jingshakri ïa ka thaiñ. Kumta ka seng ka kyrpad ïa u Dy CM ban plie noh ïakatei ka Hospital, khnang kan long ka jingkyrkhu kaba khraw ïa ki paitbah ka West Khasi Hills khamtam ïa ki longkmie bad ïa ki khynnah.
Kaba ar ka long ban plie noh ïa ka District Jail kaba don ha Porjalem (Phot Kynthei) kaba ka building la jan dep kumba 80%. Ka seng ka ai jingmut ruh ban rah noh ïa ka thanad sha katei ka jaka bad ban pynkylla parking noh ïa katei ka jaka ba don thanad, khnang ba kan ïarap ban pynkylluid ïa ka jingkhapngiah ka sor Nongstoiñ.
Kaba lai ka long ban plie noh ïa ka Polytechnic ha Mawrusyiar bad ban pyndep noh ïa ka building kaba la sahteng. Ka seng ka kyntu ïa u Dy CM ban ïarap ïa ki samla pule, khnang ba ha ka jaka ban leit sha Shillong Polytechnic, hynrei lada lah plie ïa kane kan ïarap ban kyntiew ïa ka pule puthi, ïa ka ïoh kam ïoh jam ha ka Jylla.
Na ka liang u Dy CM ka Jylla Bah Prestone Tynsong u la kular ban shimkhia ban ïakren bad ka Sorkar, ban leh kaba donkam namar u la ong ba u sngewthuh ïa kine ki kam ki long kiba donkam shisha.
Na ka liang ka seng ka ïai ban ba ka West Khasi Hills District kan dap mynta 49 snem. Hynrei ngi la shah iehbeiñ shisha ban ïa nujor bad kiwei pat ki District, ngi ngeit kane ka sorkar kan ïarap ïa ngi kumba ka ïarap ïa kiwei ki District, ong u Bah Lumlang Kharsyiemlieh.

Leave A Reply

Your email address will not be published.