Kam ki 20 ngut ba kyrshan VPP ba ki la mih noh na ka seng

Nongstoiñ, K’lyngkot 27: Ki la don mynta ka sngi kumba 20 ngut ei ei ki briew kiba kam ïalade ba ki dei kita ki nongkyrshan radbah jong ka seng Prah ne VPP, mynta ka sngi hapoh ka jingïalam jong u bah Kyntiewbor Kharsohphoh, u ba kam ba u la ju bat kum u Secretary ka election committee Nongstoiñ Constituency, ha kaba ki la pynlong ka jingïalang kyrpang ha Free Morning School New Nongstoiñ ban ïa phylliew jingmut para ma ki haba ïadei bad ka jingbym hun shuh ïa ka seng VPP Nongstoiñ.
Hadien katei ka jingïalang katei ka kynhun ka la pynpaw sha ki nongthoh khubor, da kaba ong ba naduh mynta ka sngi baroh kat kiba la wan lang ha katei ka jingïalang, ki la shim ïa ka rai ban iehnoh noh ïa ka seng VPP. Ki da kaba kynnoh ruh ba ka seng VPP ka la thok wat haba la don ka jingïakut ban ai ticket ïa uwei na kiba la apply hynrei kam shym la long kumta ong katei ka kynhun.
Haba kylli pat shaei ne bad no kane ka kynhun ka don ka jingthmu ban leit pynïasoh ne ai jingkyrshan na ka liang jong ki; ki la jubab da kaba ong ïa mynta kim pat don kano kano ka jingthmu.